മഞ്ഞളിന്റെ ഗുണങ്ങള്‍ 

കണ്ടാല്‍ വലിയ സംഭവമൊന്നുമല്ലെങ്കിലും മഞ്ഞളിനെ അങ്ങനെ കൊച്ചാക്കാന്‍ കഴിയില്ല. കുഞ്ഞു ശരീരത്തിനുള്ളില്‍ നമുക്കാവശ്യമായ ഒരുപാടു ഗുണങ്ങള്‍ മഞ്ഞള്‍ ഒളിപ്പിച്ചു വച്ചിട്ടുണ്ട്‌.

മുഖത്തെ ചുളിവ്‌: മഞ്ഞള്‍ പൊടിയും അരിപ്പൊടിയും പാലില്‍ ചാലിച്ചു മുഖത്തു പുരട്ടി പത്തുമിനിറ്റു ശേഷം തണുത്ത വെള്ളം കൊണ്ട്‌ മുഖം കഴുകണം. ചുളിവുകള്‍ മാറി മുഖം സുന്ദരമാകും.

മഞ്ഞള്‍ തേനില്‍ ചാലിച്ച്‌ മുഖത്തു പുരട്ടി പത്തു മിനിറ്റിനു ശേഷം തണുത്ത വെള്ളം കൊണ്ട്‌ മുഖം കഴുകുക. മൃതകോശങ്ങള്‍ നീങ്ങി ചര്‍മം തിളങ്ങും.

മുഖക്കുരു: മഞ്ഞളും ചന്ദനവും വെള്ളത്തില്‍ ചാലിച്ച്‌ മുഖത്തിടുക. 10 മിനിറ്റിനു ശേഷം കഴുകി കളയാം. പ്രകൃതിദത്തമായി എളുപ്പത്തില്‍ മുഖക്കുരു അകറ്റാം.

വെള്ളവും നാരങ്ങാ നീരും ഒഴിച്ചു ചാലിച്ച മഞ്ഞള്‍പ്പൊടി മുഖക്കുരുവിനു മുകളില്‍ പുരട്ടി 15 മിനിറ്റു നേരം വയ്ക്കുക. പിന്നീട്‌ നന്നായി ഉരസി തണുത്ത വെള്ളത്തില്‍ മുഖം കഴുകുക. മുഖക്കുരുവും പാടുകളും നീങ്ങും.

മുഖത്തെ രോമവളര്‍ച്ച: മേല്‍ച്ചുണ്ടിലെ രോമവളര്‍ച്ച തടയാന്‍ പയറുപൊടിയും മഞ്ഞളും വെള്ളത്തില്‍ ചാലിച്ച്‌ പുരട്ടുക. ഉണങ്ങുമ്പോള്‍ തണുത്ത വെള്ളത്തില്‍ കഴുകാം. ഇങ്ങനെ ഒരു മാസം തുടര്‍ച്ചയായി പുരട്ടാന്‍ ശ്രദ്ധിക്കണം.

കാലിലെ വിണ്ടുകീറല്‍: വെളിച്ചെണ്ണയില്‍ അല്‍പം മഞ്ഞള്‍ ചാലിച്ച്‌ ദിവസവും കുളിക്കും മുമ്പ്‌ കാല്‍വണ്ണയില്‍ പുരട്ടുക. വിണ്ടു കീറല്‍ നില്‍ക്കും.

രോഗപ്രതിരോധ ശക്തി: ഒരു ഗാസ്‌ ചൂടു പാലില്‍ ഒരു ടേബിള്‍ സ്പൂണ്‍ മഞ്ഞളിട്ടു കലക്കി ദിവസവും കുടിക്കുന്നതു രോഗപ്രതിരോധശക്തി കൂട്ടും.

മുറിവും പൊള്ളലും: ഒരു നുള്ള്‌ മഞ്ഞള്‍ പൊള്ളിയ ഭാഗത്തോ മുറിവിലോ പുരട്ടിയാല്‍ മൃതകോശങ്ങള്‍ നീങ്ങി പുതിയവ വേഗം വരും.

നല്ല ദഹനത്തിന്‌: കറികളില്‍ മഞ്ഞള്‍ ചേര്‍ക്കുന്നതു ദഹനം എളുപ്പത്തില്‍ നടക്കാന്‍ സഹായിക്കും. വായുക്ഷോഭം തടയാനും നല്ലതാണ്‌.

നമ്മുടെ കുടംപുളിക്ക് അമേരിക്കയില്‍ താരപദവി!

(www.rashtradeepika.com)


 ന്യൂയോര്‍ക്ക്: ആവശ്യത്തില്‍ കൂടുതല്‍ വണ്ണവും ശരീരഭാരവുമുള്ളവര്‍ക്ക് ഒരു സന്തോഷ വാര്‍ത്ത. വാര്‍ത്തയുടെ ഉറവിടം വിദേശത്തുനിന്നാണെങ്കിലും സന്തോഷത്തിന്റെ ഉറവിടം നമ്മുടെ നാട്ടിലുണ്ട്. അതെ, നാട്ടിന്‍പുറത്തെ കുടംപുളി തന്നെ.ഗാര്‍സീനിയ കംപോഗിയ എന്നു വിളിക്കുന്ന കുടംപുളിക്കു പിന്നാലെയാണ് ഇപ്പോള്‍ ആരോഗ്യ വിദഗ്ധരും സിനിമാതാരങ്ങളുമൊക്കെ.

അമിതവണ്ണം, കൊഴുപ്പ് എന്നിവയെ അതിവേഗത്തില്‍ കുറയ്ക്കാന്‍ സഹായിക്കുന്ന ഘടകങ്ങള്‍ അടങ്ങിയിട്ടുണ്ടെന്ന കണ്ടെത്തലും പ്രചാരണവുമാണു കുടംപുളിയെ താരമാക്കിയിരിക്കുന്നത്. അമേരിക്കയില്‍ ഏറെ അംഗീകാരവും പേരുമുള്ള ഡോ. ഓസ് കുടംപുളിയുടെ മഹാത്മ്യത്തെക്കുറിച്ചു തന്റെ ആരോഗ്യപരിപാടികളില്‍ വിവരിക്കുക കൂടി ചെയ്തതോടെ സെലിബ്രിറ്റികള്‍ കുടംപുളിക്കു പിന്നാലെ പരക്കംപായുകയാണ്. ഇന്റര്‍നെറ്റ് വഴിയും കുടംപുളി പുരാണം ശരവേഗത്തില്‍ വ്യാപിക്കുന്നു.   

കേരളത്തില്‍ മീന്‍കറിയിലും മറ്റുമാണു കുടംപുളി ചേര്‍ത്ത് ഉപയോഗിക്കുന്നത്. എന്നാല്‍, വിദേശികള്‍ കുടംപുളി കറിയില്‍ ചേര്‍ത്തല്ല കഴിക്കുന്നത്. കുടംപുളി ചേര്‍ക്കുന്ന ഭക്ഷ്യവിഭവങ്ങള്‍ ഒന്നുംതന്നെ അവര്‍ക്ക് ഇല്ലതാനും. അതുകൊണ്ടു കുടംപുളിയിലെ ഗുണകരമായ സത്ത് വേര്‍തിരിച്ചെടുത്തു ക്യാപ്‌സൂളുകളാക്കി മാറ്റി ഉപയോഗിക്കുകയാണ് അവര്‍ ചെയ്യുന്നത്. കുടംപുളി ക്യാപ്‌സൂള്‍ ഉത്പാദനരംഗത്തേക്കു നിരവധി വമ്പന്‍മാര്‍ കടന്നുവന്നുകഴിഞ്ഞു.

കുടംപുളിയില്‍നിന്നു വേര്‍തിരിച്ചെടുക്കുന്ന പ്രകൃതിദത്ത ഘടകമാണു ഹൈഡ്രോസിട്രിക് ആസിഡ് (എച്ച്‌സിഎ).  ശരീരഭാരം കുറയ്ക്കുന്നതിന്റെ വേഗം ഇരട്ടിയോ മൂന്നിരട്ടിയോ ആക്കാന്‍ ഈ ഘടകത്തിനു കഴിയുമെന്നാണ് ഈ രംഗത്തു പഠനം നടത്തിയവര്‍ അവകാശപ്പെട്ടിരിക്കുന്നത്. ഭക്ഷണക്രമീകരണത്തിനൊപ്പം വ്യായാമവും ചെയ്യുന്ന ഒരാള്‍ക്ക് എച്ച്‌സിഎ (കുടംപുളി സത്ത്) ഉപയോഗിക്കുന്നതിലൂടെ ഒരു മാസംകൊണ്ടു നാലു പൗണ്ട് (രണ്ടു കിലോയോളം) വരെ ഭാരം കുറയുമത്രേ.

ഹൈഡ്രോസിട്രിക് ആസിഡ് (എച്ച്‌സിഎ) ശരീരത്തില്‍ കൊഴുപ്പ് രൂപപ്പെടുന്നതിനെ തടയുമെന്നു പഠനം പറയുന്നു. സാധാരണയായി നമ്മുടെ ശരീരത്തിലെ കാര്‍ബോഹൈഡ്രേറ്റ്‌സ്, ഷുഗര്‍ തുടങ്ങിയവ മുഴുവനായി ഉപയോഗിക്കപ്പെടുന്നില്ല. ശരീരത്തില്‍ ശേഖരിക്കപ്പെടുന്ന ഇവ വൈകാതെ കൊഴുപ്പായി മാറ്റപ്പെടുന്നു. എന്നാല്‍, എച്ച്‌സിഎ പുറപ്പെടുവിക്കുന്ന ഒരു എന്‍സൈം ഇങ്ങനെ കൊഴുപ്പു രൂപപ്പെടുന്നതിനെ തടയുന്നു.

അതുപോലെ ചീത്ത കൊളസ്‌ട്രോള്‍ (എല്‍ഡിഎല്‍), ട്രൈഗ്ലിസറൈഡ്‌സ് എന്നിവയുടെ ഉത്പാദനം കുറയ്ക്കുകയും ചെയ്യുന്നു. കൂടാതെ തലച്ചോറിലെ സെറോറ്റോനിണിന്റെ അളവ് ഉയര്‍ത്താന്‍ സഹായിക്കുന്നതിലൂടെ ഉന്മേഷം കൂട്ടാനും കുടംപുളി ഉപകാരപ്പെടുമെന്നു പഠനം നടത്തിയവര്‍ പറയുന്നു. അമിതവിശപ്പ് അനുഭവപ്പെടുന്നവര്‍ക്കും കുടംപുളി സഹായകമാണ്. യുഎസ്എയിലെ പ്രശസ്തയായ ഒരു ഡയറ്റ് കോളമിസ്റ്റ് മില്ലര്‍, കുടംപുളിയെ ഒരു സൂപ്പര്‍ ഭക്ഷണമായാണു വിശേഷിപ്പിച്ചത്.

കുടംപുളിയെ ശരീരഭാരം കുറയ്ക്കാന്‍ ഇന്നുവരെ കണ്ടെത്തിയ പ്രകൃതിദത്ത ഔഷധങ്ങളിലെ അദ്ഭുതമെന്നാണു ഡോ. ഓസ് കുടംപുളിയെ വിശേഷിപ്പിച്ചിരിക്കുന്നത്. കുടംപുളി സത്ത് ഉപയോഗിച്ച് ശരീരഭാരം കുറച്ചവരുടെ അനുഭവകഥകള്‍ ഇന്റര്‍നെറ്റില്‍ ദിനംപ്രതി പെരുകുന്നു. വമ്പന്‍ കമ്പനികള്‍ സെലിബ്രിറ്റികളും സാധാരണക്കാരും ഉള്‍പ്പെടെയുള്ളവരുടെ അനുഭവസാക്ഷ്യങ്ങള്‍ക്കു പ്രചാരം നല്കുന്നുമുണ്ട്.   

ഇന്തോനേഷ്യയാണു കുടംപുളിയുടെ ജന്മദേശമെന്നു കരുതുന്നു. ഇന്ത്യയിലും വടക്കുകിഴക്കന്‍ ഏഷ്യന്‍ രാജ്യങ്ങളിലും മധ്യ-പടിഞ്ഞാറന്‍ ആഫ്രിക്കയിലും വളരുന്ന വൃക്ഷത്തിന്റെ പഴമാണു കുടംപുളി (ഗാര്‍സീനിയ കംപോഗ്യ, തമരിന്‍ഡ്). തെക്കുകിഴക്കന്‍ ഏഷ്യന്‍ രാജ്യങ്ങളിലെ ചില ഭക്ഷ്യവിഭവങ്ങളില്‍ ഇത് അവിഭാജ്യ ഘടകമാണ്. പ്രധാനമായും കറികളിലും ചട്‌നികളിലുമാണു കുടംപുളി ചേര്‍ക്കുന്നത്. മീന്‍ കറിവയ്ക്കാനും സൂക്ഷിക്കാനും ഇതുപയോഗിക്കുന്നു. മലേഷ്യയിലെ ചില ഗ്രാമങ്ങളില്‍ ശരീരഭാരം കുറയ്ക്കുന്നതിനു കുടംപുളി ഉപയോഗിച്ചു തയാറാക്കുന്ന ഒരിനം സൂപ്പ് ഭക്ഷണത്തിനു മുമ്പു കഴിക്കാറുണ്ട്.  

നമ്മുടെ നാട്ടിന്‍ പുറങ്ങളില്‍ പലരും കുടംപുളി മരങ്ങള്‍ വെട്ടി മാറ്റിക്കൊണ്ടിരിക്കുകയാണ്. വിദേശത്തെ എരിവും പുളിയുമുള്ള കുടംപുളി വാര്‍ത്തകള്‍ കേള്‍ക്കുമ്പോള്‍ ഒന്നു പറയാം, പറമ്പിലെ കുടംപുളി ഉടന്‍ വെട്ടിമാറ്റാന്‍ വരട്ടെ... കുടംപുളി മാത്രമല്ല, കേരളത്തിലും മറ്റും പലരും സംശയത്തിന്റെ മുള്‍മുനയില്‍ നിര്‍ത്തിയ വെളിച്ചെണ്ണ ഉള്‍പ്പെടെയുള്ളവയ്ക്കും സുരക്ഷിത എണ്ണ എന്ന നിലയില്‍ വിദേശത്തു പ്രിയമേറിവരികയാണ്.

പ്രവാസികളുടെ ആദായനികുതി

പ്രവാസികളുടെ ആദായനികുതി

നികുതിലോകം / ബേബി ജോസഫ്‌ (ചാര്‍ട്ടേഡ്‌ അക്കൗണ്‌ടന്റ്‌)

ഇന്ത്യയില്‍ ആദായനികുതി നിശ്ചയിക്കുതിലെ പ്രധാനഘടകം നികുതിദായകന്റെ റെസിഡന്‍ഷ്യല്‍ സ്റ്റാറ്റസ്‌ ആണ്‌. നികുതിദായകന്‍ റസിഡന്റ്‌ സ്റ്റാറ്റസിലുള്ള വ്യക്തി ആണെങ്കില്‍ ലോകത്തില്‍ എവിടെ ന്‌ിന്ന വരുമാനം ലഭിച്ചാലും അത്‌ ഇന്ത്യയില്‍ നികുതിക്ക്‌ വിധേയമാണ്‌. എന്നാല്‍ നോറെസിഡന്റ്‌ സ്റ്റാറ്റസിലുള്ള വ്യക്തിക്ക്‌ ഇന്ത്യയില്‍നിന്നും ലഭിക്കുന്ന വരുമാനത്തിനു മാത്രം ഇന്ത്യയില്‍ നികുതി നല്‍കിയാല്‍ മതി.

റെസിഡന്‍ഷ്യല്‍ സ്റ്റാറ്റസ്‌

തന്നാണ്‌ടില്‍ ഇന്ത്യയില്‍ 182 ദിവസത്തില്‍ കൂടുതല്‍ താമസിക്കുകയോ, തൊട്ടുമുമ്പുള്ള നാലു വര്‍ഷങ്ങളില്‍ 365 ദിവസത്തില്‍ കൂടുതല്‍ ഇന്ത്യയില്‍ താമസിക്കുകയും തന്നാണ്‌ടില്‍ 60 ദിവസത്തില്‍ കൂടുതല്‍ ഇന്ത്യയിലുണ്‌ടാവുകയും ചെയ്‌താല്‍ ആണ്‌ റെസിഡന്റ്‌ സ്റ്റാറ്റസ്‌ ഉണ്‌ടാവുത്‌. മുകളില്‍ പറഞ്ഞ കണ്‌ടീഷന്‍ പാലിച്ചില്ലെങ്കില്‍ നോണ്‍ റെസിഡന്റ്‌ പദവിക്കര്‍ഹനാണ്‌.

പ്രവാസികള്‍ ആദായനികുതി റിട്ടേണ്‍ നല്‍കണമോ?

2014-15 സാമ്പത്തികവര്‍ഷം 2.50 ലക്ഷം രൂപയില്‍ കൂടുതല്‍ വരുമാനം ഇന്ത്യയില്‍ നിന്നു ലഭിച്ചാല്‍ തീര്‍ച്ചയായും ആദായനികുതി റിട്ടേണുകള്‍ ഫയല്‍ ചെയ്യണം. കൂടാതെ ചിലനിക്ഷേപപദ്ധതികളില്‍നിാേ സ്വത്തുക്കളില്‍ നിന്നോ മൂലധനനേട്ടം ഉണ്‌ടായിട്ടുണെ്‌ടങ്കില്‍ അതിന്മേല്‍ പ്രവാസികള്‍ നികുതി അടയ്‌ക്കേണ്‌ടതായിട്ടുണ്‌ട്‌. എന്നാല്‍ മുകളില്‍ പറഞ്ഞ മൂലധനനേട്ടത്തിനും മറ്റും സ്രോതസില്‍നിന്നും നികുതി പിടിച്ചിട്ടുണെ്‌ടങ്കിലും മറ്റ്‌ വരുമാനങ്ങള്‍ ഒന്നും ഇന്ത്യയില്‍ നിന്ന ്‌ ഇല്ലെങ്കിലും നികുതി റിട്ടേണ്‍ ഫയല്‍ചെയ്യണമെന്നു നിര്‍ബന്ധമില്ല. എന്നാല്‍ നികുതിദായകന്‍ ആദായനികുതി റീഫണ്‌ടിന്‌ അര്‍ഹനാണെങ്കില്‍ റിട്ടേണ്‍ ഫയല്‍ചെയ്‌താല്‍ മാത്രമെ, റീഫണ്‌ട്‌ ലഭ്യമാവുകയുള്ളു.

പ്രവാസികള്‍ മുന്‍കൂര്‍ നികുതി അടക്കണമോ?

പ്രവാസികള്‍ക്കായി മാത്രം മുന്‍കൂര്‍ നികുതിയില്‍ ഒരു പ്രത്യേക പരിഗണന ഇല്ല. സാധാരണഗതിയില്‍ 10,000/- രൂപയില്‍ കൂടുതല്‍ നികുതി ബാധ്യത ഉണെ്‌ടങ്കില്‍ മുന്‍കൂര്‍ നികുതി അടക്കുവാന്‍ ബാധ്യത ഉണ്‌ട്‌. ഇത്‌ പ്രവാസികള്‍ക്കും ബാധകമാണ്‌.

ആദായനികുതി റിട്ടേണ്‍ സമര്‍പ്പണത്തിനുള്ള തീയതി

2014-15സാമ്പത്തികവര്‍ഷത്തെ ആദായനികുതി റിട്ടേണ്‍ സമര്‍പ്പണത്തിനുള്ള അവസാനതീയതി 31/08/2015 ആയിട്ടാണ്‌ നിലവില്‍ നിശ്ചയിച്ചിരിക്കുത്‌.

പ്രവാസികള്‍ക്ക്‌ നികുതി ഒഴിവുള്ള വരുമാനങ്ങള്‍

എന്‍ആര്‍ഇ അക്കൗണ്‌ടില്‍നിന്നും എഫ്‌സിഎന്‍ആര്‍ അക്കൗണ്‌ടുകളില്‍നിും ലഭിക്കു പലിശകള്‍, ഷെയറുകള്‍ വില്‍ക്കുമ്പോള്‍ ഉണ്‌ടാവുന്ന ദീര്‍ഘകാല മൂലധന നേട്ടങ്ങള്‍ (സ്റ്റോക്ക്‌എക്‌സ്‌ചേഞ്ചുവഴി നടത്തിയ വ്യാപാരങ്ങള്‍ക്ക്‌ എസ്‌ടിടി അടച്ചിട്ടുണെ്‌ടങ്കില്‍ മാത്രം) മ്യൂച്ചല്‍ ഫണ്‌ടുകളില്‍നിന്നും ഷെയറുകളില്‍ നിും ലഭിക്കു ഡിവിഡന്റുകള്‍ എന്നിവ പൂര്‍ണ്ണമായും നികുതിയില്‍നിന്നും ഒഴിവാക്കപ്പെട്ടരിക്കുന്നു. കൂടാതെ കെട്ടിടവാടക ലഭിക്കുന്നുണെ്‌ടങ്കില്‍ അതില്‍നിന്നും പ്രോപ്പര്‍ട്ടിടാക്‌സും 30% കിഴിവും സാധാരണ എല്ലാവര്‍ക്കും ലഭിക്കുതുപോലെ തന്നെ പ്രവാസികള്‍ക്കും ലഭിക്കും. കെട്ടിടത്തിന്‍മേല്‍ ധനകാര്യസ്ഥാനപനങ്ങളില്‍ കടം ഉണെ്‌ടങ്കില്‍, പലിശയ്‌ക്കും ഒഴിവുലഭിക്കും.

കൂടാതെ ഇന്‍ഷ്വറന്‍സില്‍ അടക്കു നിക്ഷേപങ്ങള്‍, കുട്ടികളുടെ ട്യൂഷന്‍ഫീസുകള്‍, ഹൗസിംഗ്‌ ലോണിലേക്കുള്ള തിരിച്ചടവ്‌ മുതലായവയ്‌ക്ക്‌ 150000/- രൂപ വരെയുള്ള കിഴിവ്‌ ലഭിക്കുതാണ്‌ മെഡിക്ലെയിമിലേക്ക്‌ കുടുംബാംഗങ്ങള്‍ക്കും മാതാപിതാക്കള്‍ക്കുവേണ്‌ടിയും അടക്കുന്ന തുകയ്‌ക്കും പരമാവധി 30,000/- രൂപയുടെ കിഴിവുകള്‍ക്ക്‌ പ്രവാസികളും അര്‍ഹരാണ്‌.

റിട്ടേണുകള്‍ ഫയല്‍ചെയ്യുന്ന വിധം

ഇന്ത്യയില്‍ അഞ്ചു ലക്ഷത്തില്‍ കൂടുതല്‍ നികുതിക്ക്‌ വിധേയമാകുന്ന വരുമാനം ഉണെ്‌ടങ്കില്‍ ഇലക്‌ട്രോണിക്‌ ആയി മാത്രമെ റിട്ടേണുകള്‍ ഫയല്‍ചെയ്യാന്‍ സാധിക്കുകയുള്ളു. ഈ നിയമം പ്രവാസികള്‍ക്കും ബാധകമാണ്‌. നികുതിദായകന്‌ ഡിജിറ്റല്‍ സിഗ്നേച്ചര്‍ ഉണെ്‌ടങ്കില്‍ ഐടിആര്‍ പ്രോസസിംഗ്‌ സെന്ററുകളിലേക്ക്‌ പരിശോധനക്കായി അയക്കേണ്‌ടതില്ല. (ഇതില്‍ ഒരുപക്ഷെ മാറ്റം ഉണ്‌ടായേക്കാം).

പ്രവാസികള്‍ക്ക്‌ വിദേശപണം ഉപയോഗിച്ച്‌ കൃഷിഭൂമിയോ, തോട്ടങ്ങളോ വാങ്ങുവാന്‍ സാധിക്കുമോ?

പ്രവാസികള്‍ക്ക്‌ വിദേശപണം ഉപയോഗിച്ച്‌ കൃഷിഭൂമിയോ, ഫാംഹൗസോ വാങ്ങുവാനോ റിയല്‍എസ്റ്റേറ്റ്‌ ബിസിനസ്‌ നടത്തുവാനോ അവകാശം ഇല്ല.

പ്രവാസികളുടെ സ്വത്തുക്കളുടെ വില്‌പന

മൂന്നു വര്‍ഷത്തില്‍ കൂടുതല്‍ പഴക്കമുള്ള സ്വത്തുക്കള്‍ വില്‌ക്കുമ്പോള്‍ ലഭിക്കുന്ന മൂലധനനേട്ടത്തിന്‌ 20% മൂലധന നികുതി അടയ്‌ക്കേണ്‌ടതുണ്‌ട്‌. എന്നാല്‍ നികുതി ഒഴിവാക്കാനുള്ള നിക്ഷേപപദ്ധതികള്‍ പ്രവാസികള്‍ക്കും തെരെഞ്ഞെടുക്കാവുതാണ്‌.

സ്വത്തുക്കള്‍ വില്‍ക്കുമ്പോള്‍ ലഭിക്കു പണം വിദേശത്തേക്ക്‌ കൊണ്‌ടുപോകുന്നതിന്‌

സ്വത്തുക്കള്‍ വില്‍ക്കുമ്പോള്‍ ലഭിക്കുന്ന പണം എന്‍ആര്‍ഒ അക്കൗണ്‌ടിലേക്ക്‌ ആദ്യം നിക്ഷേപിക്കുക. പിന്നീട്‌ നികുതി അടച്ച്‌ ചാര്‍ട്ടേഡ്‌ അക്കൗണ്‌ടന്റിന്റെ സര്‍ട്ടിഫിക്കേറ്റോടുകൂടി എന്‍ആര്‍ഇ അക്കൗണ്‌ടിലേക്ക്‌ മാറ്റാവുതാണ്‌. വില്‌പനയുടെ സമയത്ത്‌ 20 ശതമാനം നിരക്കില്‍ സ്രോതസില്‍നിു നികുതി പിടിക്കേണ്‌ടതായി വരുന്ന സാഹചര്യം ഒഴിവാക്കുവാന്‍ അര്‍ഹിക്കുന്ന അവസരങ്ങളില്‍, ആദായനികുതി ഓഫീസറുടെ പക്കല്‍നിന്നു സര്‍ട്ടിഫിക്കേറ്റ്‌ ഹാജരാക്കിയാല്‍ മതിയാവും.

പ്രവാസികള്‍ക്കു പാരമ്പര്യ സ്വത്തുക്കള്‍ വില്‌ക്കാനും പണം വിദേശത്തേക്ക്‌ കൊണ്‌ടുപോകാനും സാധിക്കുമോ?
നികുതിലോകം / ബേബി ജോസഫ്‌ (ചാര്‍ട്ടേഡ്‌ അക്കൗണ്‌ടന്റ്‌)

പ്രവാസികള്‍ക്ക്‌ പാരമ്പര്യമായി ലഭിച്ച സ്വത്തുക്കള്‍ വില്‍ക്കുന്നതിനും, വില്‌ക്കുമ്പോള്‍ ലഭിക്കുന്ന പണം നികുതി അടവിന്‌ ശേഷം എന്‍ആര്‍ഒ അക്കൗണ്‌ടില്‍ ഡിപ്പോസിറ്റ്‌ ചെയ്യുന്നതിനും അതിനുശേഷം എന്‍ആര്‍ഇ അക്കൗണ്‌ടിലേക്ക്‌ ട്രാന്‍സ്‌ഫര്‍ ചെയ്യാനും സാധ്യമാണ്‌. അതിനുശേഷം വിദേശത്തുനിന്നുതന്നെ എന്‍ആര്‍ഇ അക്കൗണ്‌ടില്‍ നിന്നും പണം പിന്‍വലിക്കാവുന്നതാണ്‌. ഇതുമായി ബന്ധപ്പെട്ട ചില നിയമനടപടികള്‍ താഴെ സൂചിപ്പിക്കുന്നു.

ആദായനികുതി നിയമം 195-ാം വകുപ്പ്‌ അനുസരിച്ച്‌ നികുതിക്ക്‌ വിധേയമായ പണം നികുതി അടയ്‌ക്കുന്നതിനു മുമ്പ്‌ നോണ്‍ റസിഡന്റിന്റെ പേരില്‍ നിക്ഷേപിക്കുവാന്‍ പാടില്ല. ആദായനികുതി നിയമത്തില്‍ "നികുതിക്കു വിധേയമായ പണം യാതൊരു വിധത്തിലും" എന്നാണ്‌ സൂചിപ്പിച്ചിരിക്കുന്നത്‌. അതില്‍ നിന്നും തന്നെ നികുതിക്ക്‌ വിധേയമല്ലാത്ത പണം വിദേശ പൗരന്‌ നല്‌കുന്നതിന്‌ നിയമതടസമില്ല എന്ന്‌ വ്യക്തമാണ്‌.

വസ്‌തുക്കള്‍ വില്‌ക്കുമ്പോള്‍ ലഭിക്കുന്ന പണത്തിന്‌ 20% നിരക്കില്‍ സ്രോതസില്‍ നിന്നും നികുതി പിടിച്ചതിന്‌ ശേഷം ബാക്കി തുക വിദേശത്തേക്ക്‌ കൊണ്‌ടുപോകുന്നതിന്‌ തടസമില്ല എന്നാണ്‌ നിയമത്തില്‍ സൂചിപ്പിച്ചിരിക്കുന്നത്‌. എന്നാല്‍ മൂലധനനേട്ടത്തിന്‌ സാധാരണഗതിയില്‍ ഇത്രയും നികുതി വരുന്നതല്ല. വസ്‌തുവിന്റെ വാങ്ങിയ വിലയ്‌ക്ക്‌ ആദായനികുതി നിയമം അനുസരിച്ചുള്ള ഇന്‍ഡക്‌സേഷന്‍ ഫാക്‌ടര്‍ ഉപയോഗിച്ചു വില്‌പനവിലയില്‍നിന്നും വില്‌പനയ്‌ക്കുവേണ്‌ടി ചെലവായ തുകകള്‍ കുറച്ച്‌ ലഭിക്കുന്ന തുകയുമായുള്ള വ്യത്യാസത്തിനാണ്‌ മൂലധനനേട്ടം എന്നു പറയുന്നത്‌.

പ്രവാസിയുടെ മൂലധന നേട്ടത്തിന്‌ 20% ആണ്‌ നികുതി നിരക്ക്‌. ആ നിലയ്‌ക്ക്‌ മൊത്തം തുകയ്‌ക്കും 20% നികുതി അടയ്‌ക്കേണ്‌ടിവന്നാല്‍ അതു പ്രവാസിയോടു ചെയ്യുന്ന അനീതിയായി പരിണമിക്കുന്നതാണ്‌.

ഇത്‌ ഒഴിവാക്കുന്നതിനായി അധികാരപരിധിയുള്ള ആദായനികുതി ഓഫീസറുടെ മുമ്പില്‍ യഥാര്‍ഥ നികുതി നിര്‍ണയിക്കുന്നതിനുള്ള അപേക്ഷ (വകുപ്പ്‌ 195(2)) നല്‌കാവുന്നതാണ്‌. കുറഞ്ഞ നിരക്കില്‍ നികുതി നിര്‍ണയിച്ചിട്ടുള്ള സര്‍ട്ടിഫിക്കറ്റുകള്‍ വസ്‌തു വില്‌പനയുടെ രജിസ്‌ട്രേഷന്‍ നടത്തുന്നതിനുമുമ്പുതന്നെ രജിസ്‌ട്രാറുടെ പക്കല്‍ സമര്‍പ്പിക്കേണ്‌ടതാണ്‌. എങ്കില്‍ മാത്രമേ കുറഞ്ഞ നിരക്കില്‍ സ്രോതസില്‍നിന്നുതന്നെ നികുതി അടച്ചതിനു ശേഷം വസ്‌തു വില്‌പന രജിസ്റ്റര്‍ ചെയ്യുന്നതിനു രജിസ്‌ട്രാര്‍ അനുവദിക്കുകയുള്ളൂ.

ഇവിടെ പ്രത്യേകം ശ്രദ്ധിക്കേണ്‌ട ഒരു കാര്യം വസ്‌തു വില്‌പന നടത്തുന്ന പ്രവാസിക്ക്‌ നികുതി നിര്‍ണയിക്കുന്നതിനുള്ള അധികാരം ഇല്ല എന്നുള്ളതാണ്‌.

വസ്‌തു വില്‌പന നടത്തിയതിനു ശേഷം ഫോറിന്‍ എക്‌സ്‌ചേഞ്ച്‌ നടത്തുന്നതിന്‌ അംഗീകാരമുള്ള ബാങ്കിലെ പ്രവാസിയുടെ പേരില്‍ ഉള്ള എന്‍ആര്‍ഒ അക്കൗണ്‌ടില്‍ പണം നിക്ഷേപിക്കാവുന്നതാണ്‌. പണം വിദേശത്തേക്ക്‌ അയയ്‌ക്കുന്നതിനുള്ള പൂര്‍ണമായ അധികാരവും ഫെമ നിയമപ്രകാരം എന്തെങ്കിലും തെറ്റുകള്‍ സംഭവിച്ചാല്‍ അതിനുള്ള ബാധ്യതയും മേല്‍ പ്രസ്‌താവിച്ച പണം അടച്ച ബാങ്കിന്‌ ആണ്‌ വരുന്നത്‌. അതുകൊണ്‌ടുതന്നെ പണം വിദേശ അക്കൗണ്‌ടിലേക്ക്‌ മാറ്റുന്നതിന്‌ മുമ്പ്‌ തന്നെ ബാങ്കുകള്‍ പൂര്‍ണമായ സുരക്ഷിതത്വം ഉറപ്പാക്കുന്നതാണ്‌.

അതിനുവേണ്‌ടി ബാങ്കുകള്‍ ചാര്‍ട്ടേഡ്‌ അക്കൗണ്‌ടന്റില്‍ നിന്നും ഫോം നമ്പര്‍ 15 സിബിയില്‍ ഉള്ള സര്‍ട്ടിഫിക്കറ്റുകള്‍ ഹാജരാക്കുന്നതിനു നിര്‍ദേശിക്കാറുണ്‌ട്‌. ഈ സര്‍ട്ടിഫിക്കറ്റ്‌ ലഭിക്കുന്നതിനു മുമ്പു തന്നെ പണം വിദേശത്തേക്ക്‌ കൊണ്‌ടുപോകുന്നതിന്‌, വസ്‌തു വില്‌പനക്കാരന്‍ ഫോം നമ്പര്‍ 15 സിഎയില്‍ ആദായനികുതി ഡിപ്പാര്‍ട്ട്‌മെന്റിന്റെ വെബ്‌സൈറ്റില്‍ ലോഗ്‌ ഇന്‍ ചെയ്യണം. 15 സിഎ രണ്‌ട്‌ പാര്‍ട്ടുകള്‍ ആയി തിരിച്ചിട്ടുണ്‌ട്‌. നിക്ഷേപ തുക ഒരു സമയം 50,000 രൂപയില്‍ താഴെയും ഒരു വര്‍ഷത്തില്‍ ആകെ 2,50,000 രൂപയില്‍ കൂടുതല്‍ ആകാതിരിക്കുകയും ചെയ്യുന്ന സാഹചര്യത്തില്‍ ഫോമില്‍ പാര്‍ട്ട്‌ എ യില്‍ മാത്രമാണ്‌ പൂരിപ്പിക്കേണ്‌ടത്‌. അല്ലാത്ത എല്ലാ ഇടപാടുകളിലും ഫോമിലുള്ള പാര്‍ട്ട്‌ ബി ആണ്‌ പൂരിപ്പിക്കേണ്‌ടത്‌.

വെബ്‌സൈറ്റില്‍ ഫയല്‍ ചെയ്‌തതിന്‌ ശേഷം ലഭിക്കുന്ന പ്രസ്‌തുത ഫോമിന്റെ കോപ്പിയും. ചാര്‍ട്ടേര്‍ഡ്‌ അക്കൗണ്‌ടന്റില്‍ നിന്നും ലഭിച്ച ഫോം നമ്പര്‍ 15 സി.ബി.യും ബാങ്കില്‍ സമര്‍പ്പിക്കേണ്‌ടതാണ്‌. ഇത്‌ കൂടാതെ പാരമ്പര്യമായി ലഭിച്ച സ്വത്തുക്കള്‍ ആണെങ്കില്‍ വസ്‌തുവിന്റെ കരാര്‍ ഉടമ്പടികളും ബാങ്കുകള്‍ പരിശോധിക്കേണ്‌ടതാണ്‌.

വസ്‌തു വില്‌പനയില്‍ ലഭിച്ച പണം വിവിധ ഗഡുക്കള്‍ ആയിട്ടാണ്‌ വിദേശത്തേക്ക്‌ അയയ്‌ക്കുന്നതെങ്കില്‍, എല്ലാ ഗഡുക്കളും എഡി - 1 ബാങ്കിന്റെ ഓരേ ബ്രാഞ്ചില്‍ നിന്ന്‌ മാത്രമാണ്‌ അയയ്‌ക്കേണ്‌ടത്‌. ഒരു വര്‍ഷത്തില്‍ ആകെ അയക്കാവുന്ന തുക 10 ലക്ഷം യുഎസ്‌ ഡോളര്‍ ആയി റിസര്‍വ്‌ ബാങ്ക്‌ നിജപ്പെടുത്തിയിട്ടുണ്‌ട്‌. പുതിയ ഫെമാ നിയമം പ്രാവര്‍ത്തികമാവുന്നതിന്‌ മുമ്പ്‌ വസ്‌തു വില്‌പനയില്‍ ലഭിച്ച പണം വിദേശത്തേക്ക്‌ കൊണ്‌ടു പോകണമെങ്കില്‍ 10 വര്‍ഷത്തെ ലോക്ക്‌ ഇന്‍ പീരിയഡ്‌ ഉണ്‌ടായിരുന്നതായി കാണാം. ആ ലോക്ക്‌ ഇന്‍ പീരിയഡ്‌ ഇപ്പോഴില്ല.

ഫെമ നിയമം അനുസരിച്ച്‌ ഒരു വര്‍ഷത്തില്‍ രണ്‌ട്‌ പ്രോപ്പര്‍ട്ടികള്‍ മാത്രമേ വില്‍ക്കുവാന്‍ സാധിക്കുകയുള്ളൂ.
ഇന്ത്യന്‍ ഇന്‍കം ടാക്‌സ്‌ റൂള്‍സില്‍ 37 ബിബി (1) ല്‍ നിയമതടസമില്ലാതെ പ്രവാസിയുടെ പേരില്‍ അയക്കാവുന്ന 28 ഇടപാടുകളുടെ ലിസ്റ്റ്‌ പ്രസിദ്ധപ്പെടുത്തിയിട്ടുണ്‌ട്‌.

ഇന്ത്യയില്‍ പുതുക്കിയ കസ്റംസ് നിയമം മാര്‍ച്ച് ഒന്നു മുതല്‍ പ്രാബല്യത്തില്‍

ഇന്ത്യന്‍ സെന്‍ട്രല്‍ കസ്റംസ് നിയമങ്ങള്‍ പുതുക്കുന്നു. ഇതനുസരിച്ച് മാര്‍ച്ച് ഒന്നു മുതല്‍ പ്രാബല്യത്തിലാവും. ഇന്ത്യയിലെത്തുന്ന യാത്രക്കാര്‍ക്ക് പതിനായിരം രൂപയുടെ ഇന്ത്യന്‍ കറന്‍സി മാത്രമേ മേലില്‍ കൈവശം വയ്ക്കാന്‍ അനുവാദമുള്ളു. ഇതില്‍ കൂടുതല്‍ കൈവശമുണ്ടെങ്കില്‍ ഡിക്ളയര്‍ ചെയ്യേണ്ടി വരും. അതുപോലെ ഹാന്‍ഡ് ബാഗുകള്‍ ഉള്‍പ്പടെയുള്ള ബാഗുകളുടെ എണ്ണവും കൃത്യമായും അറിയിച്ചിരിക്കണം. എങ്കില്‍ മാത്രമേ എമിഗ്രേഷന്‍ നടപടി പൂര്‍ണമായും പൂര്‍ത്തിയാവുകയുള്ളു. സെന്‍ട്രല്‍ കസ്റംസിന്റെ പുതുക്കിയ നിയമമനുസരിച്ചാണ് (Customs Baggage Declaration (Amendment) Regulations, 2014) ഈ നടപടി. ഇന്ത്യയില്‍ നിന്ന് വിദേശത്തേയ്ക്കു പോകുന്ന ഇന്ത്യന്‍ പൌരത്വമുള്ളവര്‍ മാത്രം മേലില്‍ എമിഗ്രേഷന്‍ ഫോം പൂരിപ്പിച്ചു നല്‍കിയാല്‍ മതി. അതുപോലെ തന്നെ വിദേശങ്ങളില്‍ നിന്നെത്തുന്ന ഇന്ത്യന്‍ പൌരത്വമുള്ളവര്‍ എമിഗ്രേഷന്‍ ഫോം പൂരിപ്പിച്ചു നല്‍കേണ്ടതില്ല. ഫെബ്രുവരി 10 ന് കേന്ദ്ര ധനകാര്യമന്ത്രാലയം പുറത്തിറക്കിയ വിജ്ഞാപനത്തിലാണ് ഇക്കാര്യങ്ങള്‍ വ്യക്തമാക്കിയിരിക്കുന്നത്. എന്നാല്‍ ഇന്ത്യയിലെത്തുന്ന എല്ലാ യാത്രക്കാരും കസ്റംസ് ഡിക്ളറേഷന്‍ ഫോം പൂരിപ്പിച്ചു നല്‍കിയിരിക്കണം. ഇത്തരം ഫോമുകളില്‍ കൈവശമുള്ള കറന്‍സി, ഗോള്‍ഡ്, ബുല്യന്‍സ്, മറ്റു നിയന്ത്രിത സാധനങ്ങള്‍ എന്നിയെപ്പറ്റിയുള്ള വിവരങ്ങള്‍ ആരായുന്നുണ്ട്. ഇന്ത്യന്‍ കസ്റംസ് ഡിക്ളറേഷന്‍ ഫോമില്‍ ചേര്‍ത്തിരിക്കുന്ന മുറിച്ചെടുക്കാവുന്ന ഭാഗമായിരിക്കും എമിഗ്രേഷന്‍ കാര്‍ഡ്. ഇന്ത്യയിലെത്തുന്നതിനു മുന്‍പ് കഴിഞ്ഞ ആറു ദിവസങ്ങള്‍ക്കുള്ളില്‍ സന്ദര്‍ശിച്ച രാജ്യങ്ങളുടെ വിവരങ്ങളും രേഖപ്പെടുത്തിയിരിക്കണം. കൂടാതെ വിദേശ കറന്‍സി, സാറ്റലൈറ്റ് ഫോണ്‍, മാംസാധിഷ്ടിതമായ വസ്തുക്കള്‍, ഡയറി പ്രോഡക്ട്സ്, ഫിഷ്/പൌള്‍ട്ടറി സാധനങ്ങള്‍, വിത്തുകള്‍, സസ്യങ്ങള്‍, പഴവര്‍ഗങ്ങള്‍, പൂക്കള്‍, നടീല്‍ വസ്തുക്കള്‍ തുടങ്ങിയവയെപ്പറ്റിയും പ്രതിപാദിക്കുന്നുണ്ട്. ബാഗേജുകളെപ്പറ്റി പ്രത്യേകം എഴുതിച്ചേര്‍ത്തിരിക്കണം. ഇന്ത്യയിലെ 19 അന്താരാഷ്ട്ര വിമാനത്താവളങ്ങളില്‍ ഇ-കസ്റംസ് സൌകര്യങ്ങള്‍ ഏര്‍പ്പെടുത്തിയിട്ടുണ്ട്. ശ്രീനഗര്‍, അമൃത്സര്‍, ജയ്പൂര്‍, ഡല്‍ഹി, അഹമ്മദ്ബാദ്, ഗോഹട്ടി, നാഗ്പൂര്‍, മുംബൈ, കോല്‍ക്കത്ത, ഹൈദരാബാദ്, ഗോവാ, ബാംഗളൂര്‍, ചെന്നൈ, കോഴിക്കോട്, കോയമ്പത്തൂര്‍, തിരുച്ചിറപ്പള്ളി, കൊച്ചി, തിരുവനത്തപും, പോര്‍ട്ട്ബ്ളയര്‍ എന്നിവയാണ് വിമാനത്താവളങ്ങള്‍. 

 റിയല്‍ എസ്റ്റേറ്റിലെ പ്രായോഗിക പാഠങ്ങൾ

റിയല്‍ എസ്റ്റേറ്റ്‌ പലപ്പോഴും ഞാണിന്മേല്‍ക്കളിയാകുന്നത്‌ ബുദ്ധിപൂര്‍വ്വം നിക്ഷേപിക്കാത്തതിനാലാണ്‌. ഭൂമിയിലോ വീടിലോ നിക്ഷേപിക്കാw. പക്ഷേ, ഭാവിയില്‍ നഷ്ടമുണ്ടാകില്ലെന്ന ഉറപ്പോടെ വേണം ചെയ്യാന്. ഇതിനായി നിരവധി കാര്യങ്ങള്‍ ശ്രദ്ധിക്കേണ്ടതായുണ്ട്‌. നിക്ഷേപിക്കാനുള്ള മൂലധനമുണ്ടാക്കുന്നതു മുതല്‍ നികുതിയിളവുകള്‍ വരെ കൃത്യമായ രൂപരേഖയുണ്ടായിരിക്കണമം.

ലോണെടുത്താലും കുഴപ്പമില്ല

പലപ്പോഴും റിയല്‍ എസ്റ്റേറ്റില്‍ നിക്ഷേപിക്കാന്‍ കയ്യില്‍ പണം റെഡിയായിരിക്കണമെന്നില്ല. ഇത്തരം സന്ദര്‍ഭങ്ങളില്‍ ധൈര്യമായി ഹൌസിങ്‌ ലോണുകളെ ആശ്രയിക്കാം . തിരിച്ചടയ്ക്കാന്‍ സാധിക്കുമെന്ന്‌ ഉറപ്പുള്ള പക്ഷം. ന്യായമായ പലിശനിരക്കില്‍ എവിടെ നിന്നും ലോണ്‍ എടുക്കാം. ബാങ്കുകളില്‍നിന്നോ ധനകാര്യസ്ഥാപനങ്ങളില്‍നിന്നോ മാത്രമേ ലോണ്‍ എടുക്കാവൂ എന്നില്ല. ബന്ധുക്കളില്‍നിന്നോ സുഹൃത്തുക്കളില്‍നിന്നോ വരെ ന്യായമായ പലിശയ്ക്കു വായ്പയെടുക്കാം. ഇതിനു നികുതിയിളവുകളുണ്ട്‌. അതിനാല്, നിക്ഷേപത്തിനായി ലോണ്‍ എടുക്കുന്നത്‌ നികുതിയിളവ്‌ ലഭിക്കുന്നതിനും സഹായിക്കും.

റിയല്‍ എസ്റ്റേറ്റില്‍ നിക്ഷേപിക്കാന്‍ തീരുമാനിച്ചു കഴിഞ്ഞാല്‍ ആദ്യം ചെയ്യേണ്ടത്‌ ക്യാഷ്‌ ഫ്ളോ ചാര്ട്ട്‌ തയ്യാറാക്കുകയാണ്‌. അതുപോലെതന്നെ, നിക്ഷേപിക്കുന്നതിനുമുമ്പ്‌ നിക്ഷേപത്തിന്റെ കൃത്യമായ ലക്ഷ്യവും മനസിലുണ്ടാകണം . വരും വര്‍ഷങ്ങളിലേക്കുള്ള നികുതി പ്ളാന്‍ ചെയ്യുമ്പോള്‍ ഇതേറെ പ്രധാനമാണ്‌.

ലോണെടുക്കുമ്പോള്‍ പലിശയുള്ളവ തിരഞ്ഞെടുക്കാന്‍ ശ്രദ്ധിക്ക ണം  . ഇതു നികുതി ഇളവിനു സഹായിക്കുമ്. 7-10 ലക്ഷം രൂപ വരെയുള്ള ഭൂമിയോ വീടോ ലോണ്‍ തുക ഉപയോഗിച്ച്‌ താമസിക്കുന്നതിനായി വാങ്ങുകയാണെങ്കില്‍ ലോണിന്റെ പലിശ നമ്മുടെ മറ്റു വരുമാനമാര്‍ഗ്ഗങ്ങളില്‍ നിന്നായാണ്‌ കണക്കാക്കപ്പെടുന്നത്‌. അതായത്‌, മാസംതോറും ലഭിക്കു ന്ന ശമ്പളത്തി ല്‍നിന്നോ മറ്റു സ്ഥിരവരുമാനമാര്‍ഗങ്ങളില്‍ നിന്നോ ആണ്‌ പലിശ അടയ്ക്കുന്നതായി കണക്കാക്കുന്നത്‌. അതിനാല്, ഇതിനു നികുതിയിളവ്‌ ലഭിക്കും.

1999-നുശേഷം എടുത്ത ലോണ്‍ ആണെങ്കില്‍ അതിനു പരമാവധി അനുവദിക്കുന്ന നികുതിയിളവ്‌ പ്രതിവര്‍ഷം 1,50,000 രൂപയാണ്‌. താമസിക്കുന്നതിനായി വീടോ ഭൂമിയോ വാങ്ങാനെടുത്ത ലോണുകൾക്ക്‌ മാത്രമേ ഇതു ബാധകമാകുകയുള്ളൂ. മൂന്നു വര്‍ഷത്തിനുള്ളില്‍  താമസയോഗ്യമാക്കുകയും വേണമ്. അതായത്‌, വീടു പണിയാനായാണ്‌ ഭൂമി വാങ്ങിയതെങ്കില്‍  മൂന്നുവര്‍ഷത്തിനുള്ളില്‍ പണി പൂര്‍ത്തിയാക്കിയിരിക്കണം . എങ്കില്‍ മാത്രമേ നികുതിയിളവിനു അര്‍ഹത ലഭിക്കുകയുള്ളൂ. എടുക്കുന്ന ലോണിന്റെ പലിശനിരക്ക്‌ പ്രശ്നമല്ല. എന്നാല്, നിക്ഷേപിക്കുന്ന തുക ലോണായി എടുത്ത തുക തന്നെയായിരിക്കണം . ലോണ്‍ എടുത്ത തുകയുപയോഗിച്ച്‌ വാങ്ങിയ ഭൂമിയോ വീടോ വാടകയ്ക്കു നല്‍കിയാല്‍ അതില്‍നിന്നുള്ള വരുമാനത്തിനും നികുതിയിളവ്‌ ഉണ്ടായിരിക്കണം .

നികുതിയിളവ്‌: എന്തിനൊക്കെ

സെക്ഷന്‍ 80 സി അനുസരിച്ച്‌ എല്‍ഐസി, പി്‌എഫ്‌, പിപി്‌എഫ്‌ തുടങ്ങിയവയില്‍നിന്നുള്ള വരുമാനത്തിനു മാത്രമല്ല നികുതിയിളവ്‌ ഉള്ളത്‌. മറ്റു പല വരുമാന സ്രോതസ്സുകള്‍ക്കും ഇത്‌ ബാധകമാണ്‌. ഉദാഹരണത്തിനു ഭൂമി/വീട്‌ വരുമാനത്തിനു ഒരുലക്ഷം വരെ നികുതിയിളവ്‌ ലഭിക്കുന്നതാണ്‌. സാമ്പത്തിക വര്‍ഷത്തേക്കാണ്‌ ഒരു ലക്ഷം രൂപ ഇളവ്‌ ലഭിക്കുക. സെക്ഷന്‍ 80 സി വഴി ലഭിക്കുന്ന നികുതിയിളവിനു പുറമേയല്ല ഇതെന്നു പ്രത്യേകം ശ്രദ്ധിക്കണം. അതായത്‌, ഈ സാമ്പത്തിക വര്‍ഷത്തില്‍തന്നെ എല്‍ഐസി, പി്‌എഫ്‌, പിപി്‌എഫ്‌ തുടങ്ങിയവയില്‍നിന്നും ഒരു ലക്ഷം രൂപ നികുതിയിളവ്‌ ലഭിച്ചിട്ടു ണ്ടെങ്കില്‍ പിന്നീട്‌ വീട്‌/ഭൂമിയുടെ പേരിലുള്ള വരുമാനത്തിനു നികുതിയിളവിന്റെ ആനുകൂല്യം ലഭിക്കുന്നതല്ല.

സെക്ഷന്‍ 80 സി അനുസരിച്ചുള്ള ആനുകൂല്യം മുന്‍ സാമ്പത്തിക വര്‍ഷത്തെ പേയ്മെന്റുകള്‍ക്കാണ്‌ ലഭിക്കുന്നത്‌. താമസത്തിനായി വീടോ ഭൂമിയോ വാങ്ങുന്നതിനുള്ള തുകയ്ക്കാണ്‌ മേല്‍പ്പറഞ്ഞ നിയമമനുസരിച്ച്‌ ഒരു ലക്ഷം രൂപ വരെയുള്ള നികുതിയിളവ്‌ ലഭിക്കുന്നത്‌. താഴെപ്പറയുന്ന പേയ്മെന്റുകള്‍ക്കാണ്‌ കൃത്യമായ മാനദണ്ഡമനുസരിച്ച്‌ ഇളവ്‌ ലഭിക്കുന്നത്‌.

. വീട്‌ നിര്‍മ്മിക്കുന്നതിന്‌ ഏതെങ്കിലും ഹൌസിങ്‌ ബോര്‍ഡിനോ ഏജന്‍സിക്കോ ഇതര കണ്സ്ട്രക്ഷന്‍ കമ്പനികള്‍ക്കോ നല്‍കേണ്ടി വരുന്ന ഇന്‍സ്റ്റാള്‍മെന്റ്‌ തുക അല്ലെങ്കില്‍ ഇന്‍സ്റ്റാള്‍മെന്റ്‌ തുകയുടെ വിഹിതം.

2. വീടിന്റെ ഉടമ ഏതെങ്കിലും സഹകരണസ്ഥാപനങ്ങളുടെയോ കമ്പനികളുടെയോ അംഗമോ ഷെയര്‍ഹോള്‍ഡറോ ആയിരിക്കുകയും അവരില്‍നിന്നു വീട്‌ നിര്‍മ്മാണ സംബന്ധമായി എടുത്ത തുകയോ തുകയുടെ വിഹിതമോ തിരിച്ചടവ്‌ നടത്തുന്നു.

3. വീടുനിര്‍മ്മാണത്തിനായി സര്‍ക്കാര്, ബാങ്കുകള്, എല്‍ഐസി, എന്‍എച്ച്ബി തുടങ്ങിയ തെരഞ്ഞെടുക്കപ്പെട്ട ധനകാര്യ സ്ഥാപനങ്ങളില്‍നിന്നും എടുത്ത തുക തിരിച്ചടയ്ക്കുന്നു.

4. വീട്‌ കൈമാറ്റം ചെയ്യുന്ന സമയത്ത്‌ ചെലവായ സ്റ്റാമ്പ്‌ ഡ്യൂട്ടി, രജിസ്ട്രേഷന്‍ ഫീസ്‌ മുതലായ തുക.

സെക്ഷന്‍ 24 അനുസരിച്ച്‌ ഏതെങ്കിലും ചെലവിനു നികുതിയിളവ്‌ ലഭിച്ചിട്ടുണ്ടെങ്കില്‍ വരുമാനത്തില്‍നിന്നു നികുതി ഇളവ്‌ ലഭിക്കുന്നതിനു അര്‍ഹതയുണ്ട്‌. അതേസമയമ്, ഒരു കമ്പനിയുടെ ഷെയര്‍ ഹോള്‍ഡറോ അംഗമോ ആകാന്‍ ചെലവായ അഡ്മിഷന്‍ ഫീസ്‌, ഷെയര്‍ തുക, ആദ്യഗഡു ഡിപ്പോസിറ്റ്‌ എന്നിവയ്ക്ക്‌ നികുതിയിളവ്‌ ലഭിക്കുന്നതല്ല. എന്നാല്, ഇത്തരം സ്ഥാപനങ്ങളില്‍നിന്നും വീട്‌ നിര്‍മ്മാണത്തിനായി ലോണ്‍ എടുത്താല്‍ ആ തുകയ്ക്കു നികുതിയിളവ്‌ ലഭിക്കുന്നതാണ്‌.

വസ്തു കൈമാറ്റവും രേഖകളും

ഭൂമിയായാലും വീടായാലും നിയമപരമായി ഉടമസ്ഥാവകാശം മാറണമെങ്കില്‍ അതിനുള്ള വില്‍പന ഉടമ്പടി തയാറാക്കേണ്ടത്‌ നിര്‍ബന്ധമാണ്‌. ഈ വില്‍പന ഉടമ്പടിയെ കണ്‍വേയന്സ്‌ ഡീഡ്‌ എന്നാണ്‌ വിളിക്കുന്നത്‌. ഇത്തരം വില്‍പന ഉടമ്പടിയാണ്‌ ആധാരമെന്ന പേരില്‍ അറിയപ്പെടുന്നത്‌. ആധാരം തന്നെ പല തരത്തിലുണ്ട്‌. തീറാധാരമ്, ഭാഗപത്രാധാരമ്, പണയാധാരം എന്നിങ്ങനെ ആധാ രം പല തരത്തിലാണ്‌. ഇതില്‍ ഏതാണെങ്കിലും രജിസ്ട്രാര്‍ ഓഫീസില്‍ രജിസ്റ്റര്‍ ചെയ്യുകയാണ്‌ വേണ്ടത്‌. എന്നാല്, ഇക്കാര്യത്തിലുള്ള പണ ച്ചെലവിനെ നേരിടുന്നതിന്‌ പവര്‍ ഓഫ്‌ അറ്റോര്‍ണി അഥവാ മുക്ത്യാര്‍ സമ്പാദിച്ച്‌ വസ്തുവിന്റെ കൈവശാധികാരം നേടുന്ന പതിവുമുണ്ട്‌. ആധാരം പോലെ തന്നെ മുക്ത്യാര്‍ വഴിയും വസ്തുവിന്റെ ഉടമസ്ഥാവകാശം മറ്റേയാള്ക്ക്‌ ലഭിക്കും. എന്നിരുന്നാലുമ്, ആധാരം വഴി കൈമാറുന്നതാണ്‌ ഏറ്റവും നല്ലത്‌.

ഇനി പവര്‍ ഓഫ്‌ അറ്റോര്‍ണിയുടെ അടിസ്ഥാനത്തിലാണ്‌ വസ്തു വാങ്ങുന്നതെങ്കില്‍ നിരവധി രേഖകള്‍ അതിനൊപ്പം  ഉണ്ടായിരിക്കണം . വില്‍ക്കുന്നതിനുള്ള സമ്മതപത്രം, വില്‍പത്രം , ഉടമസ്ഥാവകാശം സംബന്ധിച്ചരേഖ എന്നിവ നിര്‍ബന്ധമായും ഉണ്ടായിരിക്കണം.

വേറെ കുറേ സാഹചര്യങ്ങളില്‍ വസ്തുവിന്റെ വില്‍പ്പനയോ കൈമാറ്റമോ നടക്കുന്നതു ആധാരത്തിന്റെ അടിസ്ഥാനത്തിലാകണമെന്നില്ല, പവര്‍ ഓഫ്‌ അറ്റോര്‍ണിയുടെ അടിസ്ഥാനത്തിലാകാനും സാധ്യതയുണ്ട്‌. ആധാരം ചെയ്യുന്നതിനുള്ള സാങ്കേതിക തടസങ്ങളാണ്‌ പലപ്പോഴും ഇതിനു കാരണമ്. ചില ഹൌസിങ്‌ ബോര്‍ഡുകള്, വികസന അതോറിറ്റികള്‍ എന്നിവരുടെ നിരോധനങ്ങളനുസരിച്ച്‌ ചിലപ്പോള്‍ ആധാരം വഴി വസ്തു കൈമാറ്റം നടത്താന്‍ സാധിക്കാതെവരാം .

ചില അവസരങ്ങളില്‍ പവര്‍ ഓഫ്‌ അറ്റോര്‍ണിയില്‍ നിന്നു മറ്റൊരു പവര്‍ ഓഫ്‌ അറ്റോര്‍ണി വസ്തു വാങ്ങുന്ന സാഹചര്യവും ഉണ്ടാകാമ്. ഇങ്ങനെയുള്ള അവസരങ്ങളില്‍ യഥാര്‍ത്ഥ ഉടമസ്ഥന്റെ കൈയിലുള്ള രേഖകളുമായി പഴയ പവര്‍ ഓഫ്‌ അറ്റോര്‍ണി ഒത്തുനോക്കി മറ്റു പ്രശ്നങ്ങളൊന്നുമില്ലെന്നു ഉറപ്പുവരുത്തണമ്. പ്രധാന കെട്ടിടത്തിന്റെ ഒരു ഭാഗം മാത്രം വാങ്ങുന്ന അവസരങ്ങളിലാണ്‌ കൂടുതലും പവര്‍ ഓഫ്‌ അറ്റോര്‍ണിയില്‍ പ്രശ്നങ്ങളുണ്ടാകുന്നത്‌. ഇവിടുത്തെ പ്രശ്നം പലപ്പോഴും യഥാര്‍ത്ഥ കണ്‍വേയന്സ്‌ ഡീഡ്‌ കണ്ടെത്താന്‍ കഴിയുകയില്ലെന്നതാണ്‌. ഈ കണ്‍ വേയന്സ്‌ ഡീഡ്‌ അനുസരിച്ചായിരിക്കും പവര്‍ ഓഫ്‌ അറ്റോര്‍ണി തയാറാക്കിയിരിക്കുന്നത്‌. ഡീഡ്‌ കണ്ടെത്താന്‍ കഴിയാതിരുന്നാല്‍ യഥാര്‍ത്ഥ ഉടമസ്ഥാവകാശത്തെപ്പറ്റി ആശയക്കുഴപ്പമുണ്ടാകാമ്. പവര്‍ ഓഫ്‌ അറ്റോര്‍ണി മുഖേന കൈമാറ്റം ചെയ്യപ്പെടുന്ന വസ്തുവിനു ലോണ്‍ ലഭിക്കില്ലെന്നതാണ്‌ മറ്റൊരു  പ്രശ്നം .

വസ്തു ആരുടെ പേരില്?

ഇഷ്ടപ്പെട്ടൊരു വസ്തു കണ്ടാല്‍ പിന്നെ കാശും കയ്യിലുണ്ടെങ്കില്‍ ആരും രണ്ടാമതൊന്നു ആലോചിക്കാറില്ല. പലപ്പോഴും വാങ്ങുന്നത്‌ ഭാര്യയുടെയോ മക്കളുടെയോ പേരിലായിരിക്കുമ്. നികുതി ലാഭിക്കാനായിരിക്കും ഈ ബുദ്ധി കാണിക്കുന്നത്‌. പക്ഷേ, ഇതു മിക്കപ്പോഴും കൂടുതല്‍ അബദ്ധത്തിലേ എത്തിക്കൂ.

വസ്തു കണ്ടിഷ്ടപ്പെട്ടു വാങ്ങാന്‍ തീരുമാനിച്ചുകഴിഞ്ഞാല്‍  ആരുടെ പേരില്‍ വാങ്ങണമെന്ന കാര്യത്തിലാണു പിന്നെ തീരുമാനമുണ്ടാകേണ്ടത്‌. ഭര്‍ത്താവിന്റെ കയ്യിലെ മൂലധനംകൊണ്ട്‌ ഭാര്യയുടെ പേരില്‍ വസ്തു വാങ്ങുന്നത്‌ കഴിവതും ഒഴിവാക്കുന്നതാണ്‌ ബുദ്ധി. കാരണമ്, ഭര്‍ത്താവിന്റെ മൂലധനംകൊണ്ട്‌ വസ്തുവാങ്ങി ഭാര്യയുടെ പേരില്‍ രജിസ്റ്റര്‍ ചെയ്താലും അതു ഭര്‍ത്താവിന്റെ നിക്ഷേപമായിട്ടുമാത്രമേ കണക്കാക്കൂ. അതായത്‌, നികുതിയുടെ കാര്യത്തില്‍ യാതൊരു കിഴിവും കിട്ടില്ലെന്നര്‍ത്ഥമ്. നിയമാനുസ്ര്^തം ഭാര്യയെ ആ വസ്തുവിന്റെ ഉടമയായി കണക്കാക്കില്ല. ഇന്‍കം ടാക്സ്‌ ആക്ട്‌ സെക്ഷന്‍ 64 പ്രകാരം നേരിട്ടോ അല്ലാതെയോ ഫണ്ട്‌ ട്രാന്സ്ഫര്‍ ചെയ്യുന്നത്‌ ഇരുവരുടെയും യോജിച്ച നിക്ഷേപമായി മാത്രമേ കണക്കാക്കുകയുള്ളൂ. അതുപോലെതന്നെ, ഭര്‍ത്താവ്‌ സമ്മാനമായി നല്‍കിയ പണംകൊണ്ടു ഭാര്യ വസ്തുവോ വീടോ വാങ്ങിയാലും മേല്‍പ്പറഞ്ഞരീതിയില്‍ മാത്രമേ കണക്കാക്കപ്പെടുകയുള്ളൂ. അതിനാല്, ഭാര്യ തന്റെ സ്വന്തം മൂലധനം ഉപയോഗിച്ചുമാത്രമേ വസ്തുവോ വീടോ വാങ്ങാന്‍ പാടുള്ളൂ. അതേസമയമ്, നിക്ഷേപിക്കാന്‍ ആവശ്യമായ തുക ഭാര്യയുടെ കൈവശം ഇല്ലാത്തപക്ഷം ഭര്‍ത്താവിനോ അമ്മായിയച്ഛനോ അമ്മായിയമ്മയ്ക്കോ മറ്റു ബന്ധുക്കള്‍ക്കോ പണം കടം നല്‍കുമ്പോള്‍ അതിനു ന്യായമായ പലിശ ഈടാക്കാന്‍ മറക്കരുത്‌. എങ്കില്‍ മാത്രമേ, അതു ഭാര്യയുടെ സ്വന്തം പണമായി കണക്കാക്കപ്പെടുകയുള്ളൂ.

അതുപോലെതന്നെ, പ്രായപൂര്‍ത്തിയാകാത്ത മക്കളുടെ പേരിലും വസ്തുവില്‍ നിക്ഷേപിക്കാതിരിക്കാന്‍ ശ്രദ്ധിക്കണമ്. അച്ഛന്റെ പണംകൊണ്ടു മൈനര്‍ ആയ മകളുടെ പേരില്‍ വസ്തു/വീട്‌ വാങ്ങിയാല്‍ അതില്‍നിന്നുള്ള വരുമാനം അച്ഛന്റെ വരുമാനത്തിനൊപ്പം തന്നെ കൂട്ടിച്ചേര്‍ക്കപ്പെടുമ്. ഇതിനുള്ള നികുതികൂടി അച്ഛന്‍തന്നെ അടയ്ക്കേണ്ടതായി വരുമ്. എന്നാല്, മക്കള്‍ പ്രായപൂര്‍ത്തിയായതാണെങ്കില്‍ അവര്ക്ക്‌ വസ്തുവാങ്ങുന്നതിനാവശ്യമായ പണം സമ്മാനിക്കാവുന്നതാണ്‌. ഈ പണം ഭൂമിയിലോ വീടിനോ നിക്ഷേപിക്കാവുന്നതാണ്‌. 1998 ഒക്ടോബര്‍ ഒന്നിനുശേഷം സമ്മാനമായി നല്‍കുന്ന തുകയ്ക്ക്‌ നികുതി ഈടാക്കാത്തതിനാല്‍ ഇങ്ങനെ ചെയ്യുന്നതാണ്‌ ലാഭകരം  .

ഇന്‍കംടാക്സ്‌ ആക്ടിന്റെ സെക്ഷന്‍ 56 അനുസരിച്ചു ബന്ധുക്കളല്ലാത്തവരില്‍ നിന്നു അമ്പതിനായിരം രൂപയില്‍ കൂടുതല്‍ സമ്മാനമായി ലഭിച്ചാല്‍ അത്‌ മറ്റ്‌ ഉറവിടങ്ങളില്‍നിന്നുള്ള വരുമാനമായി കണക്കാക്കപ്പെടും. സമ്മാനമായി ലഭിക്കുന്ന സ്ഥാവരവസ്തുക്കള്‍ക്കും ഈ നിയമം ബാധകമാണ്‌. അതിനാല്‍ പ്രായപൂര്‍ത്തിയായ കുട്ടികളുടെ പേരില്‍ നിക്ഷേപിക്കാന്‍ ആഗ്രഹമുണ്ടെങ്കില്‍ അത്രയും തുക അവര്ക്ക്‌ സമ്മാനമായിനല്‍കിയാല്‍ മതി. അവരോട്‌ ആ തുക റിയല്‍ എസ്റ്റേറ്റില്‍ നിക്ഷേപിക്കാന്‍ ആവശ്യപ്പെടാം  . അതില്‍നിന്നു ലഭിക്കുന്ന വരുമാനം മക്കളുടെ വരുമാനമായി മാത്രമേ കണക്കാക്കുകയുള്ളൂ.

റിയല്‍ എസ്റ്റേറ്റില്‍ നിക്ഷേപിക്കുന്നവര്‍ ഉറപ്പായും അറിഞ്ഞിരിക്കേണ്ട നിയമങ്ങളാണ്‌ ഇന്‍കംടാക്സ്‌ ആക്ട്‌ സെക്ഷന്‍ 285 ബിയില്‍ പറഞ്ഞിരിക്കുന്നത്‌. 30 ലക്ഷം രൂപയോ അതില്‍ കൂടുതലോ വിലവരുന്ന സ്ഥാവരവസ്തുക്കളുടെ വാങ്ങലോ വില്‍ക്കലോ നടന്നാല്‍ ആദായവകുപ്പിന്റെ വാര്‍ഷിക റിട്ടേണില്‍ ഈ വിവരം സമര്‍പ്പിക്കേണ്ട ചുമതല ഇന്ത്യയിലെ എല്ലാ രജിസ്ട്രാര്‍ മാര്‍ക്കും സബ്‌ രജിസ്ട്രാര്‍മാര്‍ക്കുമുണ്ട്‌. അതിനാല്, 30 ലക്ഷമോ കൂടുതലോ വിലയുള്ള സ്ഥാവരവസ്തുക്കള്‍ വാങ്ങുകയോ വില്‍ക്കുകയോ ചെയ്താല്‍ പണത്തിന്റെ ഉറവിടത്തെ സംബന്ധിച്ചുള്ള പൂര്‍ണവിവരങ്ങള്‍ കാണിക്കേണ്ടതാണ്‌. ഇതുസംബന്ധിച്ച എല്ലാ രേഖകളും സൂക്ഷിച്ചുവയ്ക്കുകയും വേണം . ആദായം കൃത്യമായി കണക്കാക്കി നിയമാനുസൃതമായ റിട്ടേണ്‍ സമര്‍പ്പിക്കേണ്ടതുമാണ്‌.

2007-08 മുതല്‍ ഭൂമിയോ വീടോ കൈവശം വച്ചിരിക്കുന്നതുകൊണ്ടു മാത്രം ആദായനികുതി റിട്ടേണ്‍ സമര്‍പ്പിക്കേണ്ടതില്ല. ആദായനികുതി സെക്ഷന്‍ 80 സിയിലെ ഇളവുകള്‍ ക്കുശേഷവും ആദായപരിധിക്കു മുകളില്‍ വരുമാനമുണെ@ടങ്കില്‍ മാത്രമേ ആദായനികുതി റിട്ടേണ്‍ സമര്‍പ്പിക്കേണ്ടതുള്ളൂ. 2012-13 സാമ്പത്തിക വര്‍ഷത്തിലെ പുതിയ ഭേദഗതിയനുസരിച്ച്‌ ഇന്ത്യയ്ക്കു പുറത്തു സ്ഥാവരവസ്തുക്കള്‍ സ്വന്തമായുണ്ടെങ്കില്‍ ഐ.ടി റിട്ടേണ്‍ നിര്‍ബന്ധമായും സമര്‍പ്പിക്കേണ്ടതാണ്‌.

അതുപോലെതന്നെ, ഫാം ഹൌ സിന്റേയും മറ്റും ആവശ്യത്തിനായി കൃഷിഭൂമി വാങ്ങുമ്പോള്‍ അത്‌ ഡിസ്ട്രിക്ട്‌ ടൌണ്‍ പ്ളാനറിന്റെ പരിധിക്കു പുറത്തായിരിക്കാന്‍ പ്ര ത്യേകം ശ്രദ്ധിക്കണമ്. ഡി.ടി.പിക്കു ഉള്ളിലാണെങ്കില്‍ ചില പ്രത്യേക നിബന്ധനകളനുസരിച്ച്‌ മാത്രമേ ഫാംഹൌസ്‌ പണിയാന്‍ സാധിക്കുകയുള്ളൂ. ഭൂമി വാങ്ങി അതില്‍ സര്‍ ക്കാരിന്റെ അനുമതിയില്ലാതെ ഫാം ഹൌസ്‌ പണിയുന്നത്‌ നിയമവിരുദ്ധമാണ്‌. അതിനാല്, ഫാംഹൌസ്‌ പണിയാനായി വാ ങ്ങുന്ന ഭൂമിയില്‍ നിയമത്തിന്റെ കുരുക്കുകളൊന്നുമില്ലെന്നു ഉറപ്പാക്കണം.

ഭൂമിയോ വസ്തുവോ വാടക യ്ക്കു നല്‍കിയാല്‍ അതില്‍നിന്നു ള്ള വരുമാനത്തിനു നികുതിയിളവുണ്ട്‌. എന്നാല്, ലോണെടുത്ത്‌
വാങ്ങിയ ഭൂമിയാണെങ്കിലും ഉടമസ്ഥര്‍ അവിടെത്തന്നെ താമസിക്കുന്നുണ്ടെങ്കിലും ലോണിന്റെ പലിശ നിരക്കനുസരിച്ചേ നികുതിയിളവ്‌ ലഭിക്കുകയുള്ളൂ. ലോണ്‍ ബാങ്കില്‍നിന്നു എടുത്തതായിരിക്കണമെന്ന നിര്‍ബന്ധമില്ല. ആരുടെ പക്കല്‍ നിന്നെങ്കിലും ന്യായമായ പലിശയ്ക്കു എടുത്തതായാലും മതി.

ചുരുക്കത്തില്, ഭൂമിയിലോ വീടിനോ നിക്ഷേപിക്കുന്നതിനുമുമ്പ്‌ അതിനെ സംബന്ധിച്ച എല്ലാ കാര്യങ്ങളും പരിശോധിക്കുന്നത്‌ ഉചിതമായിരിക്കും . നേരിട്ടല്ലെങ്കില്‍കൂടി ഭാവിയില്‍ ബാധിക്കാവുന്ന പ്രശ്നങ്ങളെപ്പറ്റി മുന്‍കരുതലുകളുമെടുക്കണം. ഇത്രയുമായാല്, റിയല്‍ എസ്റ്റേറ്റില്‍ നിക്ഷേപിച്ച്‌ നഷ്ടമുണ്ടാകുന്നത്‌ തടയാന്‍ സാധിക്കും.

(ബിസിനസ്  ദീപിക

(_nkn\Ê v--- Zo]nI)

നെല്ലിക്ക കഴിക്കാം; ' സുഖമെഴും കയ്പും പുളിപ്പും മധുരവും " നുകരാം 

ശരീരത്തില്‍ നിന്നു വിഷപദാര്‍ഥങ്ങളെ പുറത്തുകളയുന്ന പ്രവര്‍ത്തനങ്ങള്‍ക്കു(ഡി ടോക്‌സിഫിക്കേഷന്‍) നെല്ലിക്ക ഗുണപ്രദമെന്നു പഠനങ്ങള്‍ പറയുന്നു. കരളിന്റെ ആരോഗ്യം സംരക്ഷിക്കുന്നതിനും നെല്ലിക്ക ഗുണകരം. ഭക്ഷണത്തിലെ മറ്റു പോഷകങ്ങളെ ശരീരത്തിലേക്കു വലിച്ചെടുക്കുന്ന പ്രവര്‍ത്തനങ്ങളെ നെല്ലിക്കയിലെ ചില ഘടകങ്ങള്‍ സഹായിക്കുന്നു. നെല്ലിക്കയിലെ നാരുകള്‍ ദഹനം മെച്ചപ്പെടുത്തുന്നു. മലബന്ധം തടയുന്നു.

വിറ്റാമിന്‍ സിയുടെ ബാങ്കാണ് നെല്ലിക്ക. ചര്‍മത്തിന്റെ ആരോഗ്യത്തിന് വിറ്റാമിന്‍ സി ഗുണം ചെയ്യും. പ്രതിരോധശക്തി മെച്ചപ്പെടും. ചര്‍മത്തില്‍ ചുളിവുകളുണ്ടാകാതെ സംരക്ഷിക്കുന്നു. ജരാനരകളെ തടയുന്നു. ആയുര്‍വേദമരുന്നുകളില്‍ നെല്ലിക്ക പ്രധാന ഘടകമാണ്; ച്യവനപ്രാശത്തിലെ മുഖ്യഘടകം. വിറ്റാമിന്‍ സി ഫലപ്രദമായ ആന്റി ഓക്‌സിഡന്റാണ്. ശരീരകോശങ്ങളുടെ നാശം തടയുന്ന ചില രാസപദാര്‍ഥങ്ങളാണ് ആന്റി ഓക്‌സിഡന്റുകള്‍. നെല്ലിക്കയിലെ വിറ്റാമിന്‍ സിയും ആന്റി ഓക്‌സിഡന്റാണ്. അതു ചര്‍മകോശങ്ങളെ നശിപ്പിക്കുന്ന ഫ്രീ റാഡിക്കലുകളെ തകര്‍ക്കുന്നു. കോശങ്ങളെ വിഷമാലിന്യങ്ങളില്‍ നിന്നു സംരക്ഷിക്കുന്നു.

വിളര്‍ച്ച തടയാന്‍ നെല്ലിക്ക സഹായകം. നെല്ലിക്കയിലെ ഇരുമ്പ് ചുവന്ന രക്താണുക്കളുടെ എണ്ണം കുട്ടുന്നതായി പഠനങ്ങള്‍ പറയുന്നു. പനി, ദഹനക്കുറവ്, അതിസാരം എന്നിവയ്ക്കും നെല്ലിക്ക പ്രതിവിധിയെന്നത് നാട്ടറിവ്. നെല്ലിക്ക പൊടിച്ചതും വെണ്ണയും തേനും ചേര്‍ത്തു കഴിച്ചാല്‍ വിശപ്പില്ലാത്തവര്‍ക്കു വിശപ്പുണ്ടാകും. ഗ്യാസ്, വയറെരിച്ചില്‍ തുടങ്ങിയവ മൂലമുളള പ്രശ്‌നങ്ങള്‍ കുറയ്ക്കാനും നെല്ലിക്ക സഹായകം.

മുടിയഴകിനു നെല്ലിക്കയിലെ ചില ഘടകങ്ങള്‍ സഹായകം. മുടിയുടെ ആരോഗ്യവും സൗന്ദര്യവുമായി ഏറെ ബന്ധമുണ്ട്. മുടി ഇടതൂര്‍ന്നു വളരും. മുടിയുടെ കറുപ്പും ഭംഗിയും തിളക്കവും കൂടും.

കാല്‍സ്യം, ഫോസ്ഫറസ്, കരോട്ടിന്‍, വിറ്റാമിന്‍ ബി കോംപ്ലക്‌സ് തുടങ്ങിയ പോഷകങ്ങളും നെല്ലിക്കയിലുണ്ട്. പേശികളുടെ ആരോഗ്യം മെച്ചപ്പെടുത്തുന്നതിനും നെല്ലിക്ക ഗുണപ്രദം. നെല്ലിക്കയിലെ കാല്‍സ്യം പല്ലുകളുടെയും എല്ലുകളുടെയും ആരോഗ്യം മെച്ചപ്പെടുത്തുന്നു. എല്ലുരോഗങ്ങളില്‍ നിന്നു സംരക്ഷണം നല്കുന്നു. കാഴ്ചശക്തി മെച്ചപ്പെടുത്തുന്നതിനും നെല്ലിക്ക ഗുണപ്രദം. തിമിരം തടയുന്നതിനും ഉത്തമം.

പതിവായി നെല്ലിക്ക കഴിക്കുന്നതു കൊളസ്‌ട്രോള്‍ അളവ് ആരോഗ്യകരമായ തോതില്‍ നിലനിര്‍ത്തുന്നതിനു സഹായകം. അതുപോലെതന്നെ ഹൃദയാരോഗ്യം മെച്ചപ്പെടുത്തുന്നതിനും ഇതു ഗുണപ്രദം. ബാക്ടീരിയയെ തടയുന്ന സ്വഭാവം നെല്ലിക്കയ്ക്കുണ്ട്. അണുബാധ തടയും. അതിനാല്‍ രോഗങ്ങള്‍ അകന്നുനില്ക്കും.

ത്രിഫല എന്നാല്‍ കടുക്ക, താന്നിക്ക, നെല്ലിക്ക. ഇവ ഉണക്കിപ്പൊടിച്ചതാണു ത്രിഫലാദിചൂര്‍ണം. ദിവസവും രാത്രി ഇതു വെളളത്തില്‍ കലക്കിക്കുടിച്ചാല്‍ മലബന്ധം മൂലം പ്രയാസപ്പെടുന്നവര്‍ക്ക് ആശ്വാസം കിട്ടും. ശോധന ഉണ്ടാകാന്‍ സഹായകം. രോഗപ്രതിരോധശക്തി മെച്ചപ്പെടും

തലച്ചോറിന്റെ പ്രവര്‍ത്തനങ്ങള്‍ മെച്ചപ്പെടുത്തുന്നതിനും നെല്ലിക്ക സഹായകം. ശ്വാസകോശം ബലപ്പെടുത്തുന്നു. പ്രത്യുത്പാദനക്ഷമത കൂട്ടുന്നു. മൂത്രാശയവ്യവസ്ഥയുടെ ആരോഗ്യം മെച്ചപ്പെടുത്തുന്നു. ശരീരതാപം കുറയ്ക്കുന്നു.

ഇനി നെല്ലിക്ക ഉപയോഗിച്ചു തയാറാക്കാവുന്ന ഒരു ടോണിക്കിനെക്കുറിച്ച്. നെല്ലിക്ക നന്നായി കഴുകി വൃത്തിയാക്കി ഉണങ്ങിയ തുണികൊണ്ടു തുടച്ചെടുത്ത് ഭരണിയില്‍ നിറയ്്ക്കുക. ഇതിലേക്കു ശുദ്ധമായ തേന്‍, നെല്ലിക്ക മൂടിക്കിടക്കത്തക്കവിധം ഒഴിക്കക. ഭരണി വായു കടക്കാത്തവിധം മൂടിക്കെട്ടി മാസങ്ങളോളം സൂക്ഷിക്കുക. അപ്പോഴേക്കും നെല്ലിക്കയുടെ സത്ത് തേനുമായി ചേര്‍ന്ന് നല്ല ലായനി രൂപത്തില്‍ ആയിക്കഴിഞ്ഞിരിക്കും. ഇതു ദിവസവും ഓരോ സ്പൂണ്‍ അളവില്‍ കഴിച്ചാല്‍ രോഗങ്ങള്‍ അകന്നുനില്ക്കും. നെല്ലിക്കാനീരും തേനും ചേര്‍ത്തു കഴിച്ചാല്‍ കാഴ്ചശക്തി മെച്ചപ്പെടും. ആന്റി ഓക്‌സിഡന്റുകളുടെ ഉറവിടങ്ങളായ തേനും നെല്ലിക്കയും ഒന്നുചേര്‍ന്നാല്‍ പിന്നത്തെ കഥ പറയണോ? രോഗപ്രതിരോധശക്തി പതിന്മടങ്ങു കൂടും. ശരീരവും മനസും തെളിയും. ആരോഗ്യജീവിതം ഉറപ്പാക്കാം.
ടി. ജി. ബൈജുനാഥ്
Rashtradeepika